Love, A

Ikaw yata ang pinakamadaldal Sa Foursome man o sa MFHA^2 Ikaw madalas 'yong 'di nakapagtitimpi Kaya ang bilis mo ring nahuhuli. Mabait na, dyosa pa Ganyan kung ilalarawan kita Ngunit may itinatago ka rin pala Kalokohang di alam ng iba. Noong nagkaroon ka ng nobyo, Aaminin kong nabigla ako Kasi nama'y napakainosente mo Parang di mo kayang magloko. Hindi ka madaling mapaiyak Kahit pa ika'y malakas na itulak Kaya nang nag-away tayo't iniyakan mo ako, Napatunayan kong mahalaga ako sa'yo. Marami akong pagkukulang sa'yo, alam ko Mga ito sana'y pagpasensiyahan mo Sorry, bes, sa mga pagkakamali ko Sana ay walang magbabago. Salamat at naging kaibigan kita Pagkakaibiga'y magtagal pa sana Walang limutan at walang iwanan Tandaan mo, Bes, mahal kita.

Baliw, 'yan tayo 'pag magkasama Kung ano-anong ating nagagawa Wagas tayo kung makatawa At parang wala nang bukas pa. Napakalakas nating magtrip At kahit ano lang ang naiisip Magkasama tayo sa kahit na ano Partners in crime nga talaga tayo. Pinakilala mo ako sa Red Velvet Pinarinig mo sa'kin ang Black Pink Pinasayaw mo ako ng TWICE Pinakita mo sa akin ang NCT. Hindi na lang kita basta kaibigan Best friend? Hindi lang din 'yan. Itinuturing na kitang parang pamilya Sa totoo lang ay parang kapatid na. Salamat sa ating mga alaala Hiling ko'y sana madagdagan pa Hindi naman imposible, 'di ba? Sapagkat tayo' magtatagal pa. Bes, wala sanang makakalimot Kahit mawalay tayo sa isa't-isa Ito'y pakatatandaan mo sana Ika'y 'di nag-iisa at minamahal kita.

Ate, ba't 'di ka naniniwalang maganda ka? Eh ang daming lalaking sayo'y nalulula Ate, bakit ang drama ng buhay mo? Sabagay, parehas lang naman tayo. Noong una, akala ko mataray ka Ngunit tulad kay Ate Thea, Ako'y nagkamali pala ng akala Mabait at friendly ka pala. Paano na ba nabuo ang ating grupo? Ah, nasa bahay nila Faye noon tayo Foursome? Tayo 'yon, hindi ba? 'Yong grupo nating magaganda. Naisip kong napakaswerte ko Na naging kaibigan ko kayo Lalo na ikaw na Forever ko At itinuturing kong kapatid ko. Salamat, Ate, sa pagiging kaibigan ko At sa pakikinig sa mga kadramahan ko Pasensiya na sa mga pagkukulang ko Magkakaibigan, tayo sana'y manatiling ganito. Ika'y labis kong pinahahalagahan Ilang taon man ang dumaan Tayo pa rin sana'y magkakaibigan Ate, salamat. Mahal kita.

Ate, bakit kasi napakaganda mo? Napakabait mo rin at talentado Wala pa akong nakitang tulad mo Kaya nga ikaw ay aking iniidolo. Ate, bakit kasi napaka-famous mo? Natakot tuloy akong lumapit sa'yo Akala ko talaga noo'y masungit ka Pero ako pala'y nagkamali ng akala. Paano na ba nabuo ang ating grupo? Ah, nasa bahay nila Faye noon tayo Foursome? Tayo 'yon, hindi ba? 'Yong grupo nating magaganda. Naisip kong napakaswerte ko Na naging kaibigan ko kayo. Kaya noong nagkatampuhan tayo Hindi ko alam ang gagawin ko. Ate, patawad sa pagkakamali ko Pagpasensiyahan mo po Itong mga pagkukulang ko Sana po walang magbabago. Salamat at ika'y naging kaibigan ko Lumipas man ang mga panahon Pangako kong walang magbabago Ate, ika'y labis na minamahal ko.

Nagsimula tayo bilang magkaibigan Simpleng chat ang napagkaabalahan Araw, gabi nating napag-uusapan Mga bagay na walang kabuluhan. Nagkakahiyaan pa noong simula Hanggang ngiti nga lang sa isa't-isa Walang masabi sa personal Pero sa chat ay napakadaldal. Sinong mag-aakalang magiging ganito tayo Kung noo'y ni hindi tayo nagpapansinan Sinong mag-aakalang aabot tayo sa ganito Kung noo'y wala namang pakialamanan. Kaibigan lang naman kasi talaga noong una Ngunit lumalim itong aking nadarama Ewan ko kung bakit, kailan, paano, saan Basta't isang araw, puso ko'y ikaw na ang laman. Wala naman kasi sa plano ko Ang mahulog nang ganito Pero ngayong nandito na tayo Ito ang aking maipapangako: Lumipas man ang panahon Pag-ibig ko'y di magbabago Ano mang pagsubok, haharapin ko Ikaw at ako, hanggang sa dulo.

Mga salitang tila asukal sa tamis Malalaking ngiti at kilig na labis Damdaming umaagos nang parang tubig Dito ba nababatay ang tunay na pag-ibig? Siksikang daanan sa kitid ating mga utak Kung sa ideyang ito tayo'y nakahawak Animo'y mga walang muwang sa mundo Kung sa mga bagay na ito'y naniniwala tayo. Tunay na pag-ibig ay nakapagtuturo Ng mga araling hindi makikita sa libro Tunay na pag-ibig ay nakapaghihintay Kahit na umabot pa ng walang hanggan. Ngunit hindi lamang limitado sa mga ito Ang pag-ibig na nadarama ng bawat tao Pag-ibig ay nakapagdadala din ng poot Na pagdanak ng dugo'y maaaring maging dulot. Pero sa kabila ng lahat ng mga ito Ang pag-ibig ay nananatiling isang misteryo Basta't isa lang ang tanging alam ko Tunay na pag-ibig ay mahirap mahanap.

Napakaliwanag ng buwan ngayong gabi. Saktong-sakto sa selebrasyon ng kaarawan ng aking kaibigan. Ipinagpaalam ko naman ito sa aking nanay at siya'y pumayag naman. Pagpatak ng alas syete ng gabi ay handa na ako. Nakasuot ako ng isang simpleng pulang damit at ipinusod ko ang aking buhok. Tiningnan ko ang aking repleksiyon sa salamin at ako'y nakontento naman. Ilang sandali lamang ay narinig ko na ang busina ng sasakyan ng aking kaibigan na siyang susundo sa akin. Tinawag ko ang aking ina upang magpaalam ngunit imbes na hayaan akong umalis ay nagpakuha muna siya ng isang basong tubig. Bumusinang muli ang kotse kaya't tumanggi akong kumuha ng tubig at nagmamadaling lumabas at sinalubong ang aking mga kaibigan. Buong gabi ay nagsaya kami. Kami ay nagsayaw at nagkantahan. Nagpakasaya kami nang parang wala ng bukas. Pagod na pagod ako pagkarating ko sa bahay ng hatinggabi. Nang makapasok ako sa bahay ay dumiretso ako sa silid ng aking ina upang sabihing nakarating ako nang